16 июля 2008 г.
Июлĕн 7-12-мĕшĕсенче Мари Эл Республикинче Раççей ял вăййисем иртнĕ. Пирĕн республика чысне 50 яхăн спортсмен хÿтĕленĕ, вĕсен йышĕнче Хĕрлĕ Чутай салинчи Дадюковсен çемйи те.
Сывă пурнăç йĕркине тытса пыракансем тĕрлĕ ăмăртусене хутшăннă, çитĕнÿсемпе савăнтарнă. Вячеслав Витальевичпа Алевтина Николаевна Дадюковсем Эдик ывăлĕпе шашкăлла, теннисла выляссипе, дартс, çăмăл атлетика енĕпе лайăх кăтартусемпе палăрнă. Вăйăсен пĕтĕмлетĕвĕ тăрăх, Дадюковсен çемйи 24 спорт çемйи хушшинче 7-мĕш вырăн çĕнсе илнĕ.