2013.05.08 Сăваплă ĕç пурнăçлаççĕ

Хĕрлĕ Чутай ял тăрăхĕнче пурăнакансем ял тăрăхĕн администрацийĕ пуçарнипе сăваплă ĕç пурнăçлаççĕ – ялсенчи масарсем çинче тирпей-илем кÿреççĕ. Çак кунсенче Енкĕлт тата Ишеккасси çăвисене пуçтарса тасатнă. Туктамăшра пурăнакансем те тăванĕсем ĕмĕрлĕх канлĕх тупнă вырăна тирпейлесе пуçтарнă, çăва тавра 600 метр тăршшĕ тимĕр карта тытнă. Çак тĕллевпе ял çыннисем укçа пуçтарнă, хăйсем те ĕçлеме тухнă. Сăваплă ĕçе пурнăçлама уйрăмах В.Григорьев депутат, В.Горбушкин, З.Морозова предпринимательсем пулăшнă.

Хĕрлĕ Чутай ял тăрăхĕнчен пĕлтернĕ тăрăх, çитес вăхăтра Туктамăшри масар çинче керамблоксенчен пÿрт туса лартасшăн, Ишеккасси çăви çинче вара çĕнĕ карта тытма палăртнă.

А.ТИМОФЕЕВА.