Редакци 10 кунлăх акци ирттерет

"ПИРĔН ПУРНĂÇ" хаçат редакцийĕ вулакана çăмăллăх кỹрес тесе вунпиллĕкмĕш хут ĕнтĕ 10 кунлăх акци ирттерет. Кам та кам октябрĕн 13-мĕшĕнчен пуçласа октябрĕн 23-мĕшĕччен "Пирĕн пурнăç" хаçата 2017 çулхи пĕрремĕш çур çулта илсе тăмашкăн çырăнать, вăл çав тапхăрти ултă уйăх хушшинче пĕр хутчен хаçат страницинче тỹлевсĕрех (300 тенкĕлĕх) салам, е пĕлтерỹ, е тав сăмахĕ, е хурланнине пичетлеме пултарать. Вĕсен хакĕсем пĕчĕк маррине шута илсен, район хаçатне çырăннин усси пуррине хăвăрах шутласа пăхăр. Хаçатлă та пулатăр, çывăх çыннăрсем пирки тỹлевсĕр пĕлтерме те пултаратăр. Тỹлевсĕр пичетлес тесен редакцине маларах çырăнтару квитанцине илсе килмелле. Асăрхаттаратпăр: квитанци çинче штемпель палли пулмалла.

"Пирĕн пурнăç" хаçата çырăнăр, вулăр, пирĕн парнене йышăнсамăр.