2009.01.21 Сĕт: ĕне пуçне 8,1 килограмм

Выльăх-чĕрлĕхрен илекен тупăша ÿстерес тесен паян фермăсенчи ĕçе лайăх йĕркелесе яни кирлĕ. «Коминтерн» ял хуçалăх кооперативĕнче çакна асра тытса ĕнесене тулăх рационпа тăрантараççĕ, дояркăсем кун йĕркине çирĕп пăхăнса пыраççĕ. Тăрăшни ÿсĕм парнелет. Атнарсем халĕ кашни ĕнерен талăкра вăтамран 12,4 килограмм сĕт сăваççĕ. Ку – районти чи пысăк кăтарту.

Районĕпе илес пулсан, паян ĕне пуçне кунне 8,1 килограмм продукци пухăнать. Çакă иртнĕ çулхи çак тапхăрти чухлех. 10850 килограмм е суса илнин 88 процентне сутнă. Ку пĕлтĕрхинчен 9 процент нумайраххине пĕлтерет.

Хальхи вăхăтра хуçалăхсенче 1528 ĕне тытаççĕ. Çĕнĕ технологипе ĕçе йĕркеленĕ çĕрте сăвăм пысăк. Çакна шута илсе пур çĕрте те малта пыракансен опычĕпе усă курма, çĕннине пурнăçа кĕртме тăрăшмалла.

Г.ПЕТРОВ.