2009.08.19 Çитес çулхи тухăçшăн

«Нива» ял хуçалăх кооперативĕ ĕç çинче малта пырать. Кунта тыр-пула пухса кĕртессине, ăна тасатассине лайăх йĕркеленĕ. Августăн 17-мĕшĕнче хуçалăхра район пуçлăхĕ Александр Криков пулнă, çĕр ăстисен ĕçĕпе паллашнă. Вăл тĕл пулура çакна палăртнă: ĕçе вăхăтра пурнăçлани, технологие пăхăнни ÿсĕм тума пулăшать. Ку тĕлĕшпе тралькассисем япăх мар опыт пухнă.

Вырма анлă сарăлнипе пĕрлех кооператив членĕсем çитес çулхи тыр-пулăн çирĕп никĕсне хывса хăварассишĕн тăрăшаççĕ. Механизаторсем кĕске вăхăтрах 330 гектар çĕре кăпкалатнă. Хуçалăхра кĕр тыррисем акас ĕç иртнĕ шăмат кун пуçланнă. Ака агрегачĕсем малтанхи кунах 80 гектар лаптăка вăрлăх варăнтарса хăварнă.

– Халĕ кĕр тыррисем акмалли чи лайăх вăхăт, – тенĕ район пуçлăхĕ. – Хуçалăх ĕçченĕсем çакна ăнланса тăрăшни çитес çул та тухăçлă тыр-пул çитĕнтерме пулăшасса шанас килет.

Г.Петров