2009.11.14 Çĕр ĕçченĕсене мухтаса

Республикăри шкулсенче вĕренекенсем Çĕр ĕçченĕн çулталăкне халалланă пултарулăх конкурсне хăйсен ĕçĕсене тăратнă. Районти вĕренекенсем те аякра юлман. Вĕсем çĕр ĕçĕнче, выльăх-чĕрлĕх отраслĕнче тăрăшакансене мухтаса материал пухса хатĕрленĕ, ял пуласлăхĕ çинчен хăйсен шухăшĕсене пĕлтерсе çырнă.

Мăн Этмен шкулĕнчи 9 класра вĕренекен Елена Морозова (учителĕ О.Н.Михеева) хăй çулхисен ушкăнĕнче «Раççей ялĕ пурăнать» темăпа республикăра пĕрремĕш вырăна тивĕçнĕ. Çак темăпах асăннă шкулти 7 класра вĕренекен Анастасия Ельмова виççĕмĕш пулнă. Атнарти 9 класра ăс пухакан Татьяна Терушкина (учителĕ Р.Е.Кузьмина) «Çут çанталăк илемĕ – чун илемĕ» темăпа тивĕçлипех виççĕмĕш вырăн çĕнсе илнĕ. Çавăн пекех Мăн Этменти 11 класра вĕренекен Татьяна Храмован ку енĕпе çырнă ĕçĕ чи лайăххисен йышĕнче.

Л.МЕДВЕДЕВА.