2010.02.27 Районта – учительсен республикăри XXI фестивалĕ

Февралĕн 25-27-мĕшĕсенче районта физикăпа математика учителĕсен республикăри XXI фестивалĕ иртрĕ. Унăн ĕçне Чăваш Республикин вĕрентÿ институчĕн преподавателĕсем йĕркелесе пычĕç. Фестивале уçнă çĕре район пуçлăхĕн пĕрремĕш çумĕ А.П.Самылкин, вĕрентÿ пайĕн начальникĕ Т.Н.Шереметьева хутшăнчĕç.

Вĕрентекен çулталăкĕнче иртекен фестивале республикăри чи паллă учительсем килсе çитнĕ. Пухăннисем «Вĕрентÿ» наци проекчĕ тавра тата физикăпа математика урокĕсен паянхи вырăнĕ çинчен калаçнă. Иккĕмĕшпе виççĕмĕш кунсенче республикăри тата районти учительсем Хĕрлĕ Чутайри, Атнарти, Мăн Этменти шкулсенче уçă уроксем кăтартнă. Мероприятие хутшăннисем педагогсен творчествăлла проекчĕсемпе методика хатĕрлевĕсен презентацийĕсемпе паллашнă.

Л.Шивиркина