2010.05.22 Республикăра – виççĕмĕш

Чăваш Енре Вĕрентекен çулталăкне халалласа "Учитель! Санăн яту умĕнче..." конкурс вĕçленнĕ. Унта Чăваш Енри пур районпа хулари 5-11 классенче вĕренекенсем, учительсем, ашшĕ-амăшĕсем хăйсен юратнă вĕрентекенĕсем пирки çырнă 237 ĕç тăратнă. Хĕрлĕ Чутай вăтам шкулĕн ачисем те конкурсран аякра юлман. 6 класра ăс пухакан Артур Шорников "Сочиненисем, эссе, калавсем" номинацире виççĕмĕш вырăна çĕнсе илме пултарнă. Вăл "Манăн юратнă вĕрентекен" сочиненире хăйне пуçламăш классенче вĕрентнĕ О.Кузьмина пирки çырса кăтартнă. Сăмах май, А.Шорникова вырăс чĕлхипе тата литературипе З.Хораськина вĕрентет.

А.Храмов, В.Техвейкин, Хĕрлĕ Чутай вăтам шкулĕнче 9 Б класра вĕренекенĕсем.