2010.07.14 Тăваттăн хавхалантарăва тивĕçĕç

Вĕрентÿ учрежденийĕсен "Вĕрентÿ пуçарăвĕ" республика конкурсне пĕтĕмлетнĕ. Пĕтĕмпе чи лайăх 200 учителе укçан хавхалантарма палăртнă. Чăваш Республикин Президенчĕн Н.Федоровăн 50 пин тенкĕпе танлашакан хавхалантарăвне кашни çĕнтерÿçĕ Учитель кунĕ тĕлне тивĕçĕ. Палăртмалла, конкурса пурĕ 404 вĕрентекен хутшăннă, чи хастаррисем Шупашкар (111), Çĕнĕ Шупашкар (31) хулисенчи, Елчĕк (22), Çĕмĕрле (21), çавăн пекех Вăрнар, Йĕпреç, Канаш, Хĕрлĕ Чутай тата Етĕрне районĕсенчи учительсем пулнă.

Республика конкурсне районтан хутшăннă 16 педагогран асăннă хавхалантарăва 4 учитель тивĕçет. Вĕсем пурте Хĕрлĕ Чутайри вăтам шкулта вăй хураççĕ: вырăс чĕлхипе литература учителĕ Валентина Кудряшова, биологипе хими вĕрентекенĕ Елена Орлова, ОБЖ учителĕ Эдуард Романов тата пуçламăш классен вĕрентекенĕ, шкул директорĕн çумĕ Александра Романова.

Н.ПЕТРОВА.