2010.09.10 "Çамрăк çемье" конкурс

Вĕрентекен çулталăкне халалласа республикăра "Çамрăк çемье -2010" конкурс пырать. Ку конкурс çамрăк çемьесем хушшинче иртет, мăшăрсенчен пĕри е иккĕшĕ те вĕрентÿ тытăмĕнче вăй хумалла, вĕсем саккунлă мăшăрланура тăмалла. Унсăр пуçне мăшăр 36 çултан аслă пулмалла мар.

"Çамрăк çемье" конкурс виçĕ тапхăрпа иртет. Конкурсăн пĕрремĕш тапхăрне икĕ номинаципе йĕркеленĕ: "Чи лайăх фоторепортаж" тата "Анне, атте, эпĕ – сывă çемье" видеоролик. Палăртмалла, "Чи лайăх фоторепортаж" конкурса районти Тимкинсемпе Ульяновсен çемйисем хутшăнаççĕ. Тимкинсен çемйинчен пурнăçăн черчен пайĕ – Татьяна – Питĕркасси шкулĕнче вĕрентекенре ĕçлет. Ульяновсен çемйинчен те çавăн пекех: Инна Шулю шкулĕнче ачасене ăс парать. Çамрăк çемьесене конкурсра çĕнтерме ăнăçу сунатпăр.

Л.Зайцева