2010.10.09 Инструкторсене вĕрентнĕ

Районта Пĕтĕм Раççейри халăх çыравне хатĕрленес ĕç малалла пырать. Акă октябрĕн 4-8-мĕшĕсенче райадминистрацинче инструкторсене вĕрентнĕ, вĕсем валли тăватă кун хушши çырав технологине халалланă ятарлă курссем пулнă. Ун хыççăн вĕсен çыравçăсем валли вĕрентÿ йĕркелеме тивет. Сăмах май, районта пурĕ 13 инструктор участокне йĕркеленĕ, район "портретне" вара 56 çын çырĕ.

Çав хушăрах хальхи вăхăтра ял тăрăхĕсенче ял çыннисемпе çырав пĕлтерĕшĕ, вăл епле иртни тата çырав хучĕсем çине мĕнле ыйтусем кĕртни пирки ăнлантару ĕçне йĕркелесе пыраççĕ. Аса илтеретпĕр, халăх çыравĕ "Раççейшĕн кашни пĕлтерĕшлĕ" девизпа иртет, çавăнпа та çак мероприятие кашнинех хутшăнасчĕ.

Н.Мидакова