2010.10.09 Педагогсене чысланă

Октябрĕн 5-мĕшĕнче культурăпа кану центрĕнче Учительсен кунне халалласа савăнăçлă уяв иртнĕ. Уявра районти чи лайăх учительсене, хăйсен кăтартăвĕсемпе савăнтаракан педагогсене чысланă. Акă "РФ пĕтĕмĕшле вĕрентĕвĕн хисеплĕ ĕçченĕ" паллăпа Хĕрлĕ Чутай шкулĕнчи Г.Селянкинапа Мăн Этменти О.Михеева вĕрентекенсене наградăланă. РФ Вĕренÿ тата наука министерствин Хисеп грамотине унччен район пуçлăхĕн çумĕнче, вĕренÿ пайĕн начальникĕнче тăрăшнă Т.Шереметьева, Çĕн Атикасси шкулĕнчи С.Петрейкинапа Атнарти Н.Маркова учительсем тивĕçнĕ.

Çавăн пекех уявра çамрăк педагогсене – кăçалтанпа Штанаш шкулĕнче биологи предмечĕпе вĕрентекен Э.Денисована тата иккĕмĕш çул вĕрентÿ тытăмĕнче тимлекен В.Гаврилована (Çĕн Атикасси шкулĕ) – чысланă. Арçын-педагогсене те манман, вĕсене те тимлĕх уйăрнă, уяв ячĕпе саламланă.

Л.Зайцева